Archwilio eich Galwedigaeth

Mae hyfforddiant rhan amser yn cymryd tua 15 awr yr wythnos. Mae hyn yn cynnwys mynd ar leoliad, astudiaeth ddiwinyddol, cyrsiau preswyl a chelloedd ffurfiannol. Mae’n bwysig iawn eich bod yn ystyried yn ofalus iawn a allwch wneud y math hwn o ymrwymiad amser cyn dechrau’r broses ddirnadaeth a hyfforddi. Fodd bynnag, byddwn yn gweithio gyda chi i’ch cynorthwyo i flaenoriaethu eich amser os bydd eich esgob yn eich noddi i hyfforddi. Bydd angen i chi ystyried hefyd a ydych yn gallu ymrwymo’r amser ar gyfer cwrs preswyl am wythnos a thri phenwythnos preswyl y flwyddyn. Mae hyfforddi i’r weinidogaeth yn ymrwymiad pwysig, ac rydym bob tro’n hapus i drafod manylion yr hyfforddiant gyda chi. Tra bo hi'n bwysig fod yn realistig am yr ymrwymiad amser y gallwch ei roi i hyfforddi, rydym wedi gweld ymgeiswyr o bob cefndir a sefyllfa yn hyfforddi'n llwyddiannus.

Nac oes. Mae’r Eglwys yng Nghymru hefyd yn darparu grantiau i’r rheini sy’n hyfforddi ar gyfer y weinidogaeth. Ar gyfer ymgeiswyr rhan amser, mae hyn yn £435 y flwyddyn ar hyn o bryd a darperir treuliau am deithio. Ar gyfer ymgeiswyr llawn amser, gweler yr ateb isod.

Gweler y cwestiwn uchod. Nid oes unrhyw ffi, ac mae grantiau ar gael, ar gyfer ymgeiswyr llawn amser, i dalu am gostau byw sylfaenol. Cyfrifir y grant hwn ar sail unigol gan ddibynnu ar gostau tai, incwm y cartref a chostau byw eraill. Unwaith y bydd Athrofa Padarn Sant yn derbyn ffurflen noddi ymgeisydd gan ei Esgobaeth, bydd y wybodaeth yn cael ei throsglwyddo i adran Gyllid yr Eglwys yng Nghymru. Byddant yn anfon rhagor o wybodaeth am y grantiau y gellir eu hawlio a'r ffurflenni i’w llenwi er mwyn gwneud cais am grantiau. Gallwch weld y wybodaeth am Grantiau Cymorth ar gyfer Hyfforddi yma

Yn fyr, byddwch! Rydym wedi cael profiad o bob math o bobl yn dechrau hyfforddi i’r weinidogaeth gyda ni, hyd yn oed y rheini a adawodd yr ysgol ddegawdau yn ôl heb unrhyw gymwysterau. Y cwbl sydd ei angen arnoch chi yw parodrwydd i ddysgu. Byddwn yn eich cefnogi pob cam o’r ffordd, ac mae gennym gymorth anghenion dysgu hefyd os oes ei angen arnoch gan diwtor penodedig.

Bydd gennych diwtor a fydd yn cwrdd â chi ynghylch eich ffurfiant mewn cyfarfodydd rheolaidd. Ceir cefnogaeth hefyd i’r rheini sydd ag anghenion dysgu, ac mae’r holl diwtoriaid yn agos-atoch, yn gyfeillgar ac yn hapus iawn i helpu. Mae tîm y staff yn Athrofa Padarn Sant hefyd yn hapus iawn i helpu gyda phob math o ymholiadau ymarferol o gwestiynau ariannol i help i gael mynediad at ein llyfrgell ac adnoddau eraill. Mae gennym aelod o staff penodedig sydd â’r rôl o sicrhau bod ymgeiswyr yn cael y cymorth ymarferol sydd ei angen arnynt.

Ein cyfrifoldeb ni yw eich cynorthwyo i ffynnu fel gweinidog lleyg neu ordeiniedig a gwasanaethu pobl Dduw hyd eithaf eich gallu a thyfu i mewn i’r unigolyn y mae Duw yn galw arnoch i fod. Mae rhywbeth newydd o hyd y gallwn ei ddysgu - mewn gwirionedd, yn Athrofa Padarn Sant, rydym yn ystyried dysgu gydol oes yn rhan arferol o ddisgyblaeth. Mewn rhai amgylchiadau, gallwn ddatblygu rhaglenni pwrpasol gyda chyfres unigryw iawn o brofiadau. Mae nifer o’n hymgeiswyr eisoes wedi hyfforddi gyda ni ar gyfer gweinidogaethau lleyg ac maent yn hyfforddi ar gyfer gweinidogaeth ordeiniedig. Yn yr amgylchiadau hynny, byddwn yn eich helpu i ddatblygu ymhellach ac adeiladu ar yr hyfforddiant yr ydych eisoes wedi’i dderbyn. Fodd bynnag, mae bod yn agored i ddysgu, ac i barhau i dyfu a datblygu mewn ffydd, yn hanfodol i’r weinidogaeth.