Dechrau eich hyfforddiant ar gyfer y Weinidogaeth Drwyddedig

Fel arfer, gwneir y penderfyniad ynghyd rhwng eich esgob, swyddog y weinidogaeth a ninnau. I arwain y penderfyniadau hyn, mae’r fainc o esgobion wedi cytuno ar y canllawiau a ganlyn ar gyfer hyfforddiant ordineiddio:

I’r rheini sy’n ymgymryd â gweinidogaeth ordeiniedig llawn amser:

• Y disgwyliad fydd hyfforddiant llawn amser am 3 blynedd ar gyfer yr holl glerigwyr cyflogedig

• Os oes gan ordinand brofiad sylweddol o Weinidogaeth Drwyddedig Leyg, byddai’n briodol ystyried dwy flynedd.

• Os oes gan ordinand brofiad bywyd sylweddol a sgiliau trosglwyddadwy, mae’n bosibl y bydd dwy flynedd yn briodol. Byddai hyn yn cael ei fapio yn erbyn meini prawf blaenoriaethau’r esgobion.

• Os oes gan ordinand gymwysterau diwinyddol eisoes (e.e. Tystysgrif Addysg Uwch, Diploma Addysg Uwch, gradd israddedig neu ôl-raddedig), mae’n bosibl y bydd yn briodol ystyried dwy flynedd.

• Byddai ordinandiaid sydd eisoes â gradd neu’r cymwysterau uchod mewn diwinyddiaeth, ac yn enwedig os oes ganddynt botensial i fod yn addysgwr diwinyddiaeth, yn cael eu hannog i gwblhau gradd Meistr neu radd ymchwil.

• Dylai pawb sy’n ymgymryd â gweinidogaeth ordeiniedig llawn amser fod ag o leiaf ddiploma mewn diwinyddiaeth erbyn diwedd eu hyfforddiant.

• Mewn achosion eithriadol, gallwn ddatblygu hyfforddiant diwinyddiaeth pwrpasol ochr yn ochr ag agweddau eraill ar ffurfiant, ond mae’n well gennym weld ordinandiaid yn gweithio tuag at gymhwyster os yn bosibl.

• Hyfforddiant dros ddwy flynedd yw’r isafswm y byddem yn ei argymell ar gyfer gweinidogaeth llawn amser, ar wahân i mewn amgylchiadau anarferol e.e. gweinidog ordeiniedig o enwad arall yn ymuno â gweinidogaeth yr Eglwys yng Nghymru, neu am resymau eraill o ran oedran neu brofiad sylweddol.

Ar gyfer y rheini sy’n ymgymryd â gweinidogaeth ordeiniedig rhan amser a / neu ddigyflog

• Bydd y rheini sy’n ymgymryd â gweinidogaeth ordeiniedig rhan amser neu ddigyflog fel arfer yn hyfforddi’n rhan amser.

• Fel arfer, byddai’r hyfforddiant rhan amser yn cymryd 3 blynedd (am y rheswm hwn, byddem yn annog ymgeiswyr posibl ar gyfer gweinidogaeth ordeiniedig rhan amser i ddechrau Diwinyddiaeth ar gyfer Bywyd am flwyddyn yn ystod y broses ddirnadaeth fel y gallant gwblhau diploma mewn diwinyddiaeth yn ystod y tair blynedd o hyfforddiant)

• Bydd angen trafodaeth bellach ar y rheini na fydd yn gallu ennill diploma erbyn diwedd eu hyfforddiant

• Os oes gan ordinand brofiad sylweddol o Weinidogaeth Drwyddedig Leyg, mae’n bosibl y bydd 2 flynedd yn briodol.

• Os oes gan ordinand radd, neu mewn rhai achosion ddiploma, mewn diwinyddiaeth, mae’n bosibl y bydd 2 flynedd yn briodol.

• Mewn achosion eithriadol, gallwn ddatblygu hyfforddiant diwinyddol pwrpasol ochr yn ochr ag agweddau eraill ar ffurfiant, ond byddem yn disgwyl i’r mwyafrif llethol fod yn gweithio tuag at gymhwyster diwinyddol.

Credwn fod ffurfiant yn digwydd ym mhob agwedd ar y cwrs. Mae Duw am ein trawsnewid fel pobl gyfan, ein calonnau a’n meddyliau, ein hymarfer a’n dealltwriaeth o ffydd. Rydym yn hoffi’r diffiniad o ffurfiant yn llyfr Joanna Collicutt, The Psychology of Christian Character Formation. Mae’n ysgrifennu:

‘Christian spiritual formation can be understood as the transforming work of the Spirit in every aspect of the life of the believer…… formation is seen to involve the whole of a person’s life – embodied thinking, feeling, acting and being in relationship…..The work of the Spirit is not to change a person into something she is not, but to enable that person to be truly and fully herself. The Spirit is, after all, also the authentic Spirit of truth (John 14.17; 15.26; 16.13).’ (Collicutt 2015 pennod 1).

Felly, mae dysgu am ddiwinyddiaeth, cael eich hyfforddi ynghylch sut i bregethu a llunio gwasanaeth, dysgu am bwysigrwydd gwrando’n dda mewn cell ffurfiannol, a hyd yn oed dysgu sut i dynnu ymlaen yn dda â phobl sy’n wahanol iawn i ni ar y cwrs, oll yn ‘ffurfiannol’, wrth i ni dyfu i fod y fersiwn gorau o’n hunain yng Nghrist drwy’r profiadau gwahanol ar y cwrs. Yn ystod yr hyfforddiant, byddwch hefyd yn cwrdd â’ch tiwtor ffurfiant i drafod hyn yn rheolaidd.

Mae hyfforddiant rhan amser yn cymryd tua 15 awr yr wythnos. Mae hyn yn cynnwys mynd ar leoliad, astudiaeth ddiwinyddol, cyrsiau preswyl a chelloedd ffurfiannol. Mae’n bwysig iawn eich bod yn ystyried yn ofalus iawn a allwch wneud y math hwn o ymrwymiad amser cyn dechrau’r broses ddirnadaeth a hyfforddi. Fodd bynnag, byddwn yn gweithio gyda chi i’ch cynorthwyo i flaenoriaethu eich amser os bydd eich esgob yn eich noddi i hyfforddi. Bydd angen i chi ystyried hefyd a ydych yn gallu ymrwymo’r amser ar gyfer cwrs preswyl am wythnos a thri phenwythnos preswyl y flwyddyn. Mae hyfforddi i’r weinidogaeth yn ymrwymiad pwysig, ac rydym bob tro’n hapus i drafod manylion yr hyfforddiant gyda chi.

Os ydych yn newydd i astudio diwinyddiaeth, edrychwch am unrhyw gyrsiau blasu a hysbysebir yn y gaeaf ac sy’n cael eu cynnal yn gynnar yn y gwanwyn. Pob blwyddyn, rydym yn cynnal dyddiau a nosweithiau agored yn y gwanwyn felly archebwch le ar y rhain. Bydd y rhain oll yn cael eu hysbysebu ar ein cyfryngau cymdeithasol felly byddem yn argymell eich bod yn dod yn gyfaill i ni / yn ein dilyn arnynt, er ein bod hefyd yn anfon y wybodaeth at y Cyfarwyddwyr Ordinandiaid Esgobaethol a’r esgobaethau. Darllenwch yr holl wybodaeth yma yn ofalus ac ymgyfarwyddwch â’r cwrs. Pob gaeaf, rydym hefyd yn cynhyrchu ac yn uwchlwytho taflen newydd o’r enw ‘Help Rwyf wedi cael fy nerbyn i hyfforddi’. Ceir gwybodaeth ddefnyddiol ynddi ac, yn fwyaf pwysig, y dyddiadau ar gyfer y flwyddyn i ddod. Mae gennym daflen ‘Paratoi ar gyfer Athrofa Padarn Sant’ ar-lein yn yr adran hon hefyd.

Ar ôl pob cylch o’r panelau dirnadaeth taleithiol, bydd y Cyfarwyddwyr Ordinandiaid Esgobaethol yn anfon enwau'r rheini a dderbyniwyd i’w hyfforddi atom. Yna bydd tiwtor yn cysylltu â chi i gael sgwrs am eich hyfforddiant. Nid oes angen i chi gysylltu â ni, byddwn ni yn cysylltu â chi. Darllenwch y wybodaeth ar y wefan hon yn ofalus cyn y sgwrs honno a meddyliwch am unrhyw gwestiynau yr hoffech eu gofyn. Fodd bynnag, os oes gennych ymholiad neu bryder penodol, mae croeso i chi gysylltu â ni’n uniongyrchol.

Ar y dudalen hon, byddwch hefyd yn canfod y llawlyfrau a ddefnyddiwn ar hyn o bryd.

Gwelwch y cwestiwn uchod. Nid oes cost, ac mae grantiau ar gael i ymgeiswyr llawn amser, i dalu am gostau byw sylfaenol. Caiff y grant hwn ei gyfrifo yn unigol yn ddibynnol ar tai, incwm cartref a chostau byw eraill. Unwaith i ymgeiswyr ffurflen dderbyn nawdd ymgeisydd wrth ei esgobaeth, bydd y wybodaeth yn cael ei drosglwyddo i Adran Gyllid yr Eglwys yng Nghymru. Byddan nhw yn danfon fwy o wybodaeth am hawliau grant a ffurflenni sydd angen eu cwblhau er mwyn ymegisio am grantiau. Gallwch weld fwy o wybodaeth ynghylch
Graantiau Cymorth Hyfforddi yma: Gwybodaeth am Grantiau Cymorth

Bydd gan bob ymgeisydd diwtor ei hunain bydd yn gweithio gyda nhw ar eu ffurfiant, mewn cyfarfodydd rheolaidd. Mae yna hefyd cefnogaeth i rheiny â anghenion dysggu, ac mae'r tiwtoriaid yn hawdd fynd atynt ac yn gyfeillgar ac yn hapus i gynnig cymorth.Mae'r tim ehangach ym Mhadarn Sant hefyd yn hapus i rhoi cymorth gydag amrywiaeth o ymholiadau ac i gael mynediad at y llyfrgell ac adnoddau eraill.